Раштав уйăхĕ 
Раштав – çулталăк вĕçĕ, алă ĕçĕсен уйăхĕ. Раштав- шартлама сивĕсен, юр кĕрчĕсен, вăрăм каçсен уйăхĕ. Раштав ĕçчен: кĕпер хывать, çуна çулĕ тăвать, кантăксене эрешлет. 
Сăнавсем:
Раштавра юр çусан тырă лайăх пулать теççĕ. 
• Раштав каçĕнче çăлтăрсем нумай пулсан пăрçа лайăх пулать. 
• Раштавра юр çусан мăйăр пулать. 
• Çĕнĕ çул каçĕнче çăлтăр нумай пулсан чăхсем çăмарта тăваççĕ. 
• Çав каç çил вăйлансан мăйăр аван пулать. 
• Çĕнĕ çул каçĕнче пас тытсан хăмла е тырă аван пулать. 

8-мĕш классен пултарулăхĕ 

Хĕлле 
Çитрĕ, килчĕ шурă хĕл: 
Унпа ан шÿтле эс, пĕл. 
Туртса кăлар арчунтан 
Кĕрĕк те калпак, алса, 
Унсăрăн пăсăлăн шăнса. 

Улăштарчĕç кĕрĕксем 
Тĕрлĕ-тĕрлĕ чĕр чунсем. 
Вĕçсе кайрĕç кайăксем 
Кăнтăра, шереметсем. 

Йăлтăртатать шурă юр 
Кĕмĕл пек хĕвел çинче. 
Савăнмашкăн кăмăл пур 
Ачасен хĕл кунĕнче. 

Хăшĕ-пĕри конькипе 
Пăр çинче йĕр хăварать. 
Йĕлтĕрпе, çунашкапа 
Ача-пăча ярăнать. 
Н. Капитонова

Пурне те çывхарса килекен Çĕнĕ çул ячĕпе саламлатпăр!