Ухсай Яккăвĕ çуралнăранпа 100 çул çитрĕ тесен те юрать. Пĕр уйăха яхăн ĕнтĕ Юманай шкулĕнче паллă чăваш поэтне халалласа тĕрлĕрен мероприятисемпе конкурссем иртеççĕ.   Паян та акă чÿк уйăхĕн  22 – мĕшĕнче  9 – 11- мĕш классенче вĕренекен ачасем хăйсен пĕлĕвне «Эпир маттур ачасем» вăйăра тĕрĕслерĕç. Ку вăййа «Чăваш хунавĕсем», «Ухсай ачисем», «Юманайсем» командăсем хутшăнчĕç.                                              

                                              Юманайăн  ачасем –

                                              пуринчен маттуррисем,

                                              пуринчен те ăслисем,

                                              пуринчен те ăстисем.

    Çакăн пек девизсемпе пĕр – пĕрне саламларĕç КВНа хутшăнакансем. Ачасем чăваш чĕлхипе тата литературипе, ытларах Ухсай поэт биографийĕпе çыхăннă ыйтусем çине хуравларĕç. Тавçăрулăха, тимлĕхе аталантарма пулăшакан ыйтусем те пулчĕç. Вăйă питĕ интереслĕ иртрĕ. 9 – мĕш класра вĕренекенсем пуринчен те тавçăруллăраххисем, чăннипех те, чи маттуррисем  пулчĕç.

     Ухсай Яккăвне халалласа ирттерекен мероприятисемпе конкурссене çитес линейкăра пĕтĕмлетĕпĕр, çĕнтерÿçĕсене Хисеп хучĕсемпе чыслăпăр.