Кашни çыннǎнах çĕр çинче хǎйне кун çути панǎ ашшĕ - амǎшĕ пур. Атте – аннерен хакли никам та çук. Анне пире мĕн ачаран лăпка – лăпка ÿстерет, хăйĕн мĕн пур ăшă туйăмĕсене пĕр шеллемесĕр  парать. Эпир чирлесен те çĕрĕпе – çĕрĕпе куç хупмасăр пирĕншĕн ăшталанать.  

   Анне – пирĕншĕн чун уççи, чун йăпатмăшĕ. Чунра йывăр пулсан тÿрех ун патне пулăшу ыйтма чупатăн. Кирек мĕнле пулсан та вăл хăйĕн пепкине пулăшатех.

    Атте вара – пирĕншĕн тĕрек, çемье ертÿçи.  Ачисемшĕн вăл  тем тума та хатĕр. Атте пире аппапа иксĕмĕре пăта çапма та, апат пĕçерме те вĕрентет. «Ĕçлеме вĕренни пурнăçра кирлĕ пулĕ», - тет атте. Вǎл та анне пекех  пирĕншĕн чĕререн кулянать. Пире аппапа иксĕмĕре  яланах асǎрхаттарса тǎрать. «Пурнǎçра темле йывǎр пулсан та пĕр - пĕрне ан пăрахǎр. Тǎванран хакли никам та çук», - тет вǎл.

   Атте – анне пурри – чăн – чăн телей. Апла пулсан, пирĕн вĕсене упрама, хаклама, кирлĕ вǎхǎтра пулǎшу пама пĕлмелле.

   Атте - анне çук пулсан тǎван киле те чун туртмасть. Сивĕ, пушǎ, кичем, çухалать кил ǎшши вĕсем çук пулсан. Атте - анне ǎшшипе пурǎнасчĕ киленсе, вĕсен ырǎ кǎмǎлне хуçас марччĕ ĕмĕрне.